Ireki ditugu ikastetxeetako ateak eta bete dira berriro ikasgelak. Konturatzerako ikasturte berriko lehen hilabetea joan da eta eguraldiak laguntzen ez duen arren, pixkanaka udarako erritmoa atzean utzi eta errutinara itzuli gara.
Konpostagailuen lehenengo kontrola burutu dugu eta ikastetxe bakoitzeko egoera ezberdina da. Batzuk konpostagailuak hutsik dituzue eta lanean hasteko prest daude, beste batzuk, ordea, hustutzeko zain.
Kasua kasu, hasi gara ikasle berrientzako formakuntza saioak lotzen eta konpostagailuak hustutzeko datak jartzen. Hau abian da!