Utzi iruzkina

Aurten 9 ikastetxe ZiSaren!

Aurten, guztira 9 ikastetxek hartuko dute parte ZiSaren, izan ere, Hondarribiako Talaia LH, Talaia BHI eta Egiluze ikastetxeak programan parte hartzera animatu dira! Hiru ikastetxe hauetan konpostagailua montatu eta ikasleek konposta egiteko formakuntza saioa jaso ondoren, hasiko dira isurketak egiten. 

Gainontzeko 6 ikastetxeetako ikasleek konposta egiteko formakuntza hilabete hauetan zehar jaso dute,  eta gutxinaka hasi da ikastetxe bakoitza bere konpostagailua elikatzen! Animo, primeran ari zarete eta!!

 

Horretaz gain iraila eta urria bitartean, hustuketak egin ditugu Txingudi Ikastolan eta El Pilarren. Guztira 200 kilo konpost inguru atera ditugu! Begiratu argazkiak!!!

IMG_20191008_084857IMG-20190925-WA0000IMG-20191030-WA0018

Eguraldiak laguntzen badu, hilabete honetan egingo dugu hustuketa Elatzetan!

Ongi izan lagunak eta segi gogor lanean!


Utzi iruzkina

Bueltan gaude!

Udako oporrak bukatu eta ikasturte berriari hasiera indartsua eman diogu dagoeneko!

Irailaren hasieran, ZiSaren parte hartzen duzuen ikastetxe guztietatik pasa ginen konpostagailuak aireztatzeko eta hasierako diagnostikoa egiteko. Konpostagailuek ere martxa hartu beharko dute gutxinaka.

Horretaz gain, ZiSarekide zareten ikastetxeekin lehenengo antolaketa bilerak egiten hasiak gara.

Hurrengo asteetara begira, hainbat hustuketa ditugu programatuta eta horretaz gain, formakuntza saioekin hasiko gara ere.

Ongi izan!


Utzi iruzkina

IKASTURTEARI AGUR… ETA UDARI ONGI ETORRI!!!

2018-19 ikasturtea bukatu egin da dagoeneko, eta aurten, eskualdeko 7 ikastetxek hartu dute parte ZiSare programan. Lehen hezkuntzako eta bigarren hezkuntzako 600 ikasle inguru arduratu dira hilabete hauetan zehar ikastetxe desberdinetan dauden konpostagailuetaz.

Eta egindako lan guztiaren ondoren… iritsi dira azkenean udako oporrak! Eskolako konpostagailuei ere, atseden hartzeko garaia heldu zaie, baina oporretara joan aurretik konpostagailu guztiei azken oxigenazioa eman zaie eta iraila arte itxi egin dira.

Hurrengo ikasturtean berriz elkar ikusiko dugu!! Ongi izan eta udaz disfrutatu!

 

zizarea


Utzi iruzkina

2018-19 IKASTURTEAN ZEHAR EGINDAKO LANAK

Ikasturte amaierara iritsi gara jada, eta ugari eta anitzak izan dira ikasturte honetan zehar egindako lanak:

  • Konposta egiten hasi aurretik, konposta zer den, nola egin eta neurketa zientifikoak egiten ikasteko, formakuntza saioa jaso dute ikasle guztiek ikasturtearen hasieran.
  • Ikastetxe bakoitzak aktibo mantendu du ikasturte guztian zehar konpostagailua, materia organikoz elikatuz eta prozesuaren inguruko hainbat datu jasoz landa-koadernoan.
  • Bigarren hiruhilekoan, prozesuan protagonistak diren ornogabeen azterketa burutu dute ikasleek. Lehendabizi, ornogabeak konpostetik atera dituzte. Ondoren, luparekin begiratu eta gako dikotomikoaren laguntzaz izen zientifikoa jarri diete, eta azkenik, mikroskopio digitalaren bitartez gertu-gertutik ikusi ahal izan dituzte aurkitutako xomorroak eta baita hauen ezaugarriak ezagutu ere.

This slideshow requires JavaScript.

  • Konpostaje prozesuak hala eskatuta, zenbait konpostagailu hustu egin dira ikasturtean zehar: Txingudi LH, El Pilar, Toki Alai eta Eguzkitza.

Denon artean lan bikaina egin duzue ikasturte honetan zehar, ZORIONAK!!


Utzi iruzkina

2018-19 IKASTURTEKO EBALUAZIO BILERA

Kaixo ZiSarekideak!

Ikasturtea bukatzeko gutxi falta da eta proiektuaren ebaluazioa egin beharra dugu.

Horretarako, alde batetik, ZiSarekide zareten irakasleei ebaluazio-inkesta betetzea eskatu dizuegu, zuen iritzi eta balorazioa ezinbestekoa delako proiektua hobetzen joateko.

Bestalde, datorren ekainaren 20an ikasturte honetako ebaluazio bilera egingo dugula jakinarazten dizuegu eta aurten parte hartu duzuen ikastetxeetako ordezkari guztiak elkartzera gonbidatzen zaituztegu. Hona hemen bileraren inguruko informazio gehiago:

ZiSare 2018-19 ikasturtea – Ebaluazio bilera

  • Eguna: 2019/06/20 (osteguna)
  • Ordua: 10:00etan
  • Tokia: Txingudiko Zerbitzuetako egoitza nagusian,(Olaberria auzoa, 18 – Irun)

 

Azkenik, gogoratu zuen isurketa eta konpostagailuaren inguruko kontrol-datuak helbide honetara bidali behar dituzuela: amaiamonasterio@artelatz.eus Modu honetan denon artean egindako lanaren informazio zehatza lortzen lagunduko duzue.

Besterik gabe, mila esker eta 20an elkar ikusiko dugu.

Ongi izan!


Utzi iruzkina

Mila ikasketa, mila lan

Ikasturte amaierara iritsi gara jada, eta ugari eta anitzak izan dira ikasturte honetan egindako lanak.  Honats:

  • Ikastetxe bakoitzak aktibo mantendu du ikasturte guztian zehar konpostagailua, materia organikoz elikatuz eta prozesuaren inguruko hainbat datu jasoz landa-kuadernoan.
  • Prozesuaz gehiago ikasteko asmoz,  materia organikoaren deskonposaketan eragile nagusiak diren ornogabeen azterketa buruta da ikastetxeetako laborategian.
  • Konpostaje prozesuak hala eskatuta, zenbait konpostagailu hustu egin dira ikasturtean zehar, Hondarribiako Talaia BHIkoa, esaterako.

This slideshow requires JavaScript.


Utzi iruzkina

IAZKO LANAREN ORDAINA

Kaixo ZiSarekideoi!

Iaz ikasturtean zehar egin genituen isurketak konpostagailuan denboratxoa pasa ondoren egin ditugu konpost hustuketak, ikastetxe bakoitzean kopuru ezberdina lortu dugun arren, denetan primerakoa dela esan beharra dugu! Zorionak lan bikainagaitik!

Hona hemen argazki bildumatxo bat: