Categoría: Sin categoría

Ikasturte honetan ere, aurrera ZiSare!!!

Publicado el por zisaretxingudiDeja un comentario

Azken bi urte hauetan, pandemia dela eta, hainbat egoera zail eta berri bizi behar izan ditugu hainbat esparrutan, baita gure proiektu xume honetan ere. Hala eta guztiz ere, horrek ez gaitu geldiarazi eta hainbat ikastetxeetan proiektuari gogotsu eta itxaropentsu eutsi diogu.

Hau horrela izanik, aurten, 8 ikastetxek parte hartzen duzue proiektu zoragarri honetan, eta gainera horietatik bat berria dugu, ONGI ETORRI Belaskoenea HLHI! Gainontzekoei, ZORIONAK eta jarraitu horren txukun lan egiten!!

Ikasturte honetan orain arte egindako lanak laburki azalduko ditugu:

  • Iraila hasieran eskualdeko Konpostagailu guztiak kuxkuxeatzera pasa ginen, diagnostiko txiki bat egin genuen eta hortik abiatuta, programari ekin genion.
  • Urria eta Azaroa bitartean FORMAKUNTZA jaso duzue aurten arduratuko zareten ikasle zein irakasleek.
  • Belaskoenean konpostagailua montatu genuen HHko eraikinean, eta gustura ibili ziren 4 eta 5 urteko gelako ikasleak konpostagailua montatzen!
  • Horretaz gain, hustuketak egin ditugu bi ikastetxe desberdinetan:
    • TXINGUDI LH 6.mailako ikasleekin. Hustuketa honetan 2019-2020 ikasturteko uzta atera genuen, eta guztira 60 kilo konpost atera genituen gutxi gora behera! 6.mailako ikasleak lanean zeuden bitartean, 2. eta 4. mailako ikasleak gerturatu ziren konpostagailua nola hustutzen genuen ikustera. Egun zoragarria izan genuen, eta gainera pilo bat ikasi genuen!
Txingudi Ikastolako 6.mailako ikasleak hustuketa egiten
    • TALAIA LH 6. mailako ikasleekin. Talaian ere, hustuketa egin genuen eta 50 kilo konpost inguru lortu genituen. Talaian ikasleekin egindako lehendabiziko hustuketa presentziala izan da aurtengoa, 2020 ikasturtean online egin behar izan genuelako, baina primeran aritu dira lanean 6. mailako ikasleak haien iazko uzta biltzen!

Talaia eskolako 6.mailako ikasleak hustuketa egiten
  • Eta bukatzeko nola ez, hilabeterto bezala urrian eta azaroan konpostagailuen kontrola egitera pasatu gara, prozesua ongi doala ziurtatzeko.
All-focus

JARRAITU EZAZUE HORRELA LANEAN!!!

Ikasturtea aurrera doa eta ZiSarekideok lanean jarraitzen dugu!

Publicado el por zisaretxingudiDeja un comentario

Esan bezala, ikasturtea aurrera doa eta programan parte hartzen duten ikasleek konpostagailuak materia organikoz elikatuz doaz gutxinaka, baita landa koadernoetan prozesuaren inguruko datuak jasotzen ari dira ere.

Batzuei konpostagailua guztiz betetzeko denbora eman die eta guzti! Horregatik, bigarren bat martxan jarri dugu bestearen ondoan!

IMG_3976
Elatzetako ikasleak isurketak egiten eta datuak jasotzen

Hilabetero bezala, programan parte hartzen duten ikastetxe guztietatik pasa gara kontrola egitera eta dena ongi doala ziurtatzera.

IMG-20191220-WA0008
50ºC-ko tenperaturak konpostagailuan!

Eta nahiz eta neguan egon eta kanpoan hotz egiten duen… begira zer nolako tenperaturak lortu ditugun konpostagailu batzuetan urtarrilean zehar!!!

Horrek prozesua primeran doala esan nahi du, eta hor barruan dauden ornogabeak goxo goxo daude gure materia organiko guztia deskonposatzen!

IMG_3945

Konpostajearen prozesu hau hobeto ulertzeko, gure materia organikoa deskonposatzen dituzten ornogabeen azterketa egiten dugu laborategi tailerraren bitartez.

Urtarrilean bi ikastetxeetan egin dugu tailerra:

  • Txingudi Ikastolako 6. mailako ikasleek zomorro espezie desberdinak aurkitu zituzten eta poz-pozik ibili ziren guztiak aztertzen. Baten batek ere, susto ederra hartu zuen armiarma ikusi zuenean! Ah zer nolako araknido interesgarriak ezagutu genituen!
  • Eguzkitza institutuko DBH1. mailako ikasleak eta AAT gelakoak ere, gure ongarria egiten duten ornogabeen bila aritu ziren eta hauen ezaugarriak ezagutu zituzten. Ezin zuten imajinatu hainbeste zomorro espezie desberdin aurkituko zituztenik konpostean.

 

Otsailaren bukaeran hilabete honetako kontrola egitera pasako gara, baina bukatzeko ohartxo bat…Hasi landa koaderno digitala betetzen, modu horretan ikasturte bukaeran lanaren erdia eginda izango duzue. Horretarako, gogoratu pasahitza erabiliz sartu behar zaretela materialen atalean eta bertan dagoen artxiboa deskargatu behar duzuela erabili ahal izateko!

Besterik gabe, ongi izan!!

Udazkenean egindako lanak

Publicado el por zisaretxingudiDeja un comentario

Azken asteetan zehar hainbat ekintza egin dira eskualdeko ikastetxeetan ZiSare programaren barruan.

Azaroa oso euritsua izan den arren, Elatzetako hustuketa egiteko atseden eman zigun eguraldiak eta ikusi zein ongi ibili ziren Elatzetako “Bizi-Poza” taldeko kideak elkarlanean konposta ateratzen!

Behin konposta aterata, konpostagailua berriz ere montatu, formazioa jaso eta isurketekin hasi dira berriz ere gogotsu.

 

Horretaz gain La Sallen lehendabiziko taldearekin laborategi saioa egin genuen. Poz pozik eta interes handiz ibili ziren ikasleak gure konpostean dauden xomorroak aztertzen!

Hainbat ikastetxeetan (Toki Alai BHI, Talaia LH eta Talaia BHI) konpostagailua jarri gabe zegoen, beraz konpostagailua kokatuko den tokia bilatu eta egokitu ondoren montatu egin da isurketekin hasi ahal izateko.

Toki Alai

 Talaia BHI

Talaia LH

 

Azkenik, hilabetero bezala Azaroko kontrola burutu egin da, oraingoan gainera zizare baten laguntzarekin, begiratu nola begiratzen zituen bere konpostagailu barruko tenperatura, pH-a eta hezetasuna!!

 

Eguberriak baino lehen abenduko kontrola egitera pasako gara! Ongi izan!

Aurten 9 ikastetxe ZiSaren!

Publicado el por zisaretxingudiDeja un comentario

Aurten, guztira 9 ikastetxek hartuko dute parte ZiSaren, izan ere, Hondarribiako Talaia LH, Talaia BHI eta Egiluze ikastetxeak programan parte hartzera animatu dira! Hiru ikastetxe hauetan konpostagailua montatu eta ikasleek konposta egiteko formakuntza saioa jaso ondoren, hasiko dira isurketak egiten. 

Gainontzeko 6 ikastetxeetako ikasleek konposta egiteko formakuntza hilabete hauetan zehar jaso dute,  eta gutxinaka hasi da ikastetxe bakoitza bere konpostagailua elikatzen! Animo, primeran ari zarete eta!!

 

Horretaz gain iraila eta urria bitartean, hustuketak egin ditugu Txingudi Ikastolan eta El Pilarren. Guztira 200 kilo konpost inguru atera ditugu! Begiratu argazkiak!!!

IMG_20191008_084857IMG-20190925-WA0000IMG-20191030-WA0018

Eguraldiak laguntzen badu, hilabete honetan egingo dugu hustuketa Elatzetan!

Ongi izan lagunak eta segi gogor lanean!

Bueltan gaude!

Publicado el por zisaretxingudiDeja un comentario

Udako oporrak bukatu eta ikasturte berriari hasiera indartsua eman diogu dagoeneko!

Irailaren hasieran, ZiSaren parte hartzen duzuen ikastetxe guztietatik pasa ginen konpostagailuak aireztatzeko eta hasierako diagnostikoa egiteko. Konpostagailuek ere martxa hartu beharko dute gutxinaka.

Horretaz gain, ZiSarekide zareten ikastetxeekin lehenengo antolaketa bilerak egiten hasiak gara.

Hurrengo asteetara begira, hainbat hustuketa ditugu programatuta eta horretaz gain, formakuntza saioekin hasiko gara ere.

Ongi izan!

IKASTURTEARI AGUR… ETA UDARI ONGI ETORRI!!!

Publicado el por zisaretxingudiDeja un comentario

2018-19 ikasturtea bukatu egin da dagoeneko, eta aurten, eskualdeko 7 ikastetxek hartu dute parte ZiSare programan. Lehen hezkuntzako eta bigarren hezkuntzako 600 ikasle inguru arduratu dira hilabete hauetan zehar ikastetxe desberdinetan dauden konpostagailuetaz.

Eta egindako lan guztiaren ondoren… iritsi dira azkenean udako oporrak! Eskolako konpostagailuei ere, atseden hartzeko garaia heldu zaie, baina oporretara joan aurretik konpostagailu guztiei azken oxigenazioa eman zaie eta iraila arte itxi egin dira.

Hurrengo ikasturtean berriz elkar ikusiko dugu!! Ongi izan eta udaz disfrutatu!

 

zizarea

2018-19 IKASTURTEAN ZEHAR EGINDAKO LANAK

Publicado el por zisaretxingudiDeja un comentario

Ikasturte amaierara iritsi gara jada, eta ugari eta anitzak izan dira ikasturte honetan zehar egindako lanak:

  • Konposta egiten hasi aurretik, konposta zer den, nola egin eta neurketa zientifikoak egiten ikasteko, formakuntza saioa jaso dute ikasle guztiek ikasturtearen hasieran.
  • Ikastetxe bakoitzak aktibo mantendu du ikasturte guztian zehar konpostagailua, materia organikoz elikatuz eta prozesuaren inguruko hainbat datu jasoz landa-koadernoan.

bty
bty

  • Bigarren hiruhilekoan, prozesuan protagonistak diren ornogabeen azterketa burutu dute ikasleek. Lehendabizi, ornogabeak konpostetik atera dituzte. Ondoren, luparekin begiratu eta gako dikotomikoaren laguntzaz izen zientifikoa jarri diete, eta azkenik, mikroskopio digitalaren bitartez gertu-gertutik ikusi ahal izan dituzte aurkitutako xomorroak eta baita hauen ezaugarriak ezagutu ere.

El pase de diapositivas requiere JavaScript.

  • Konpostaje prozesuak hala eskatuta, zenbait konpostagailu hustu egin dira ikasturtean zehar: Txingudi LH, El Pilar, Toki Alai eta Eguzkitza.

All-focus
All-focus
All-focus

Denon artean lan bikaina egin duzue ikasturte honetan zehar, ZORIONAK!!

2018-19 IKASTURTEKO EBALUAZIO BILERA

Publicado el por zisaretxingudiDeja un comentario

Kaixo ZiSarekideak!

Ikasturtea bukatzeko gutxi falta da eta proiektuaren ebaluazioa egin beharra dugu.

Horretarako, alde batetik, ZiSarekide zareten irakasleei ebaluazio-inkesta betetzea eskatu dizuegu, zuen iritzi eta balorazioa ezinbestekoa delako proiektua hobetzen joateko.

Bestalde, datorren ekainaren 20an ikasturte honetako ebaluazio bilera egingo dugula jakinarazten dizuegu eta aurten parte hartu duzuen ikastetxeetako ordezkari guztiak elkartzera gonbidatzen zaituztegu. Hona hemen bileraren inguruko informazio gehiago:

ZiSare 2018-19 ikasturtea – Ebaluazio bilera

  • Eguna: 2019/06/20 (osteguna)
  • Ordua: 10:00etan
  • Tokia: Txingudiko Zerbitzuetako egoitza nagusian,(Olaberria auzoa, 18 – Irun)

 

Azkenik, gogoratu zuen isurketa eta konpostagailuaren inguruko kontrol-datuak helbide honetara bidali behar dituzuela: amaiamonasterio@artelatz.eus Modu honetan denon artean egindako lanaren informazio zehatza lortzen lagunduko duzue.

Besterik gabe, mila esker eta 20an elkar ikusiko dugu.

Ongi izan!

Mila ikasketa, mila lan

Publicado el por zisaretxingudiDeja un comentario

Ikasturte amaierara iritsi gara jada, eta ugari eta anitzak izan dira ikasturte honetan egindako lanak.  Honats:

  • Ikastetxe bakoitzak aktibo mantendu du ikasturte guztian zehar konpostagailua, materia organikoz elikatuz eta prozesuaren inguruko hainbat datu jasoz landa-kuadernoan.

  • Prozesuaz gehiago ikasteko asmoz,  materia organikoaren deskonposaketan eragile nagusiak diren ornogabeen azterketa buruta da ikastetxeetako laborategian.

All-focus

  • Konpostaje prozesuak hala eskatuta, zenbait konpostagailu hustu egin dira ikasturtean zehar, Hondarribiako Talaia BHIkoa, esaterako.

El pase de diapositivas requiere JavaScript.

IAZKO LANAREN ORDAINA

Publicado el por zisaretxingudiDeja un comentario

Kaixo ZiSarekideoi!

Iaz ikasturtean zehar egin genituen isurketak konpostagailuan denboratxoa pasa ondoren egin ditugu konpost hustuketak, ikastetxe bakoitzean kopuru ezberdina lortu dugun arren, denetan primerakoa dela esan beharra dugu! Zorionak lan bikainagaitik!

Hona hemen argazki bildumatxo bat: